Era creishença qu’a e qu’està patint eth Departament de Joenessa deth Conselh Generau d’Aran atau coma tanben es projèctes que i a premanits entà realizar e d’auti que realizaram, mos mèrquen era linha entà portar a tèrme actuacions coma era que vos presentam en aguest projècte.

Laguens des objectius deth Plan Generau de Joenessa dera Val d’Aran, era potenciacion de servicis ath joen ei ua prioritat.

Meter en carrèr un carnet tamb aguestes caracteristiques mos aufrís un hilat de possibilitats entre es quaus apropar-mos ath joen ne’i ua prioritat. Poder aufrir-les informacion, assessorament, publicacions diuerses, noticies deth Conselh Generau d’Aran, actuacions, descompdes, e d’auti, son objectius deth departament de Joenessa entara creacion deth “carnet joen”.

En aguest projècte sajam de visualizar d’ua manèra transcrita era idèa principau dera creacion deth “carnet joen”. Mès tanben requerirà ua complenta interrelacion entre era entitat patrocinadora, eth Departament de Joenessa e Torisme Val d’Aran entà sajar d’aufrir un servici professionau, eficaç e eficient, qüestions principaus enes linhes de trabalh deth Departament.

Definir es punts de venta, era quantitat de tirada, es servicis que pòt aufrir era entitat patrocinadora atau coma tanben es ventatges que se’n pòt beneficiar aguesta darrèra e es joeni deth país son objecte d’estudi e elaboracion fòrça mès amplia qu’era que vos aufrim en aguest projècte.