Vielha, 7 de junh de 2018.- Era Oficina de Joenessa deth Conselh Generau d’Aran en collaboracion damb era Direccion Generau de Joenessa dera Generalitat de Catalonha, a aufrit pendent eth mes de mai tres talhèrs participatius entà promòir conductes e estils de vida saludables ena alimentacion a cargue dera dietista e nutricionista Maria Riart.
Un prumèr talhèr sus alimentacion saludable e etiquetatge de productes, d’aute entà apréner a elaborar un menu saludable e eth darrèr, un talhèr practic de nutricion e alimentacion, en centre aucupacionau ADDA (Associacion de Discapacitats d’Aran) a on apreneren qué cau méter en cada plat entà que sigue saludable.
Es talhèrs desvelhèren fòrça interès e compdèren damb ua importanta participacion.
