Eth termini de presentacion de sollicituds finalize eth 7 de junh de 2019
Vielha, 16 d’abriu de 2019.- A compdar d’aué e enquiath día 7 de junh, se poderàn presentar es sollicituds entà poder optar as subvencions en regim de concurréncia competitiva entath pagament deth loguèr 2019, a trauès dera Oficina Joenessa deth Conselh Generau d’Aran.
Entà accedir ara concession d’aguestes subvencions cau complir es següents requisits:
– Acreditar era residéncia legau en Catalonha.
– Auer uns ingrèssi (der an 2017) dera unitat de convivéncia sufisents entà poder pagar eth loguèr e que non supèren eth màxim establit enes bases dera convocatòria (a excepcion des victimes de terrorisme).
– Èster titular deth contracte de loguèr der abitatge que constituís eth sòn abitatge abituau e permanent e èster-i empadronat.
– Non pagar un loguèr mensuau superior a: Demarcacion de Lhèida: 450 €
* Familhes nombroses 900€
– Auer domiciliat eth crubament dera subvencion en ua entitat financèra.
– Èster ath dia en pagament des rendes de loguèr en moment dera presentacion dera sollicitud.
– Pagar eth loguèr per miei de: transferéncia bancària, ingrès en compde, rebut domiciliat o rebut emès per administrador dera finca, aumens a compdar deth mes següent ara data de presentacion dera sollicitud.
– Non èster sometut a cap des supòsits de proïbicion entà èster beneficiari de subvencions.
– Complir damb es obligacions tributàries deuant der Estat, era Generalitat e era Seguretat Sociau.
Documentacion:
– DNI/NIF/NIE, o document equivalent en vigor dera persona sollicitant e de toti es membres que formen era unitat de convivéncia.
– Certificat de convivéncia qu’acredite eth domicili dera persona sollicitant e des persones que formen era unitat de convivencia.
– Justificant des ingrèssi dera persona sollicitant e de cadun des membres qu’intègren era unitat de convivéncia en edat laborau. Es ingrèssi cau acreditar-les dera manèra següenta:
– Declaracion der impòst sus era renda des persones fisiques (IRPF 2017) dera persona sollicitant e de cadun des membres qu’intègren era unitat de convivéncia en edat laborau.
– Certificat d’imputacions dera Agéncia Estatau d’Administracion Tributària (AEAT).
– Declaracion responsabla d’ingrèssi annaus, en situacions excepcionaus, quan era persona que sollicita era subvencion o bèth un des membres dera unitat de convivéncia non poguen justificar es ingrèssi damb era documentacion mencionada enes punts anteriors.
– Informe socioeconomic emès pes servicis basics d’atencion sociau municipau eneth cas que toti es ingrèssi d’ua unitat de convivéncia s’acrediten per miei d’ua declaracion responsabla.
– Situacions excepcionaus, Justificant des ingrèssi der an en cors, quan era persona sollicitant o bèth un des membres que formen era unitat de convivéncia agen agut un cambi important en relacion damb era sua situacion laborau o d’ingrèssi en periòde d’acreditar, d’acòrd damb era convocatòria.
– Informe de vida laborau, enes casi en qué non s’acrediten ingrèssi damb era presentacion dera declaracion de l’IRPF corresponent.
– Libre de familha, s’ei de besonh.
– Contracte de loguèr a nòm dera persona sollicitant.
– Rebuts de loguèr corresponents ar an 2019 (A de mèter: qui pague, qui crube e impòrt).
– Sollicitud a nòm dera persona sollicitant (modèl).
– Huelha bancaria (modèl).
– Declaracion responsabla (modèl).
– Acreditacion deth Departament de Benestar Sociau e Familha, eneth cas de persones damb bèra discapacitat.
– Acreditacion dera condicion de victima de violéncia de genre.
– Acreditacion dera condicion de victima de terrorisme.
– Títol de familha nombrosa en vigor.
– Títol de familha monoparentau en vigor.
– Documentacion acreditatiua d’èster persona joena extutelada.
Termini:
Eth termini de presentacion finalize eth 7 de junh de 2019.
Mes informacion Oficina de Joenessa deth Conselh Generau d’Aran
C/ Major, 36 de Vielha. 973640625.
Orari d’atencion ath public: deluns a diuendres de 08:00 a 15:00 ores.
Damb cita prealabla.
