Eth pròplèu 18 se seteme de 10 a 14 ores, eth CEI Val d’Aran organize ua capsula formativa gratuïta sus organizacion personau e gestion eficaça deth temps.
Eth cors serà impartit per Oscar Becerril, Sòci-formador de Tàctica 360, diplomat en relacions laboraus e mastèr en intelligéncia emocionau.
Es capsules formatives s’impartissen en madeish CEI Val d’Aran de Casau, Plaça Naua, 1, e son organizades peth CEI Val d’Aran e eth Conselh Generau d’Aran en collaboracion damb era Deputacion de Lhèida e GlobaLleida, damb eth supòrt deth Departament d’Enterpresa e Ocupacion dera Generalitat de Catalonha, Catalonha Emprèn e eth Hons Sociau Europèu.
Es inscripcions entà participar en aguesta naua capsula formativa se pòden formalizar en www.ceivaldaran.org o en hilat corresponent dera web deth Conselh Generau d’Aran www.aran.org , e tanben en tot telefonar ath Telf. 973 64 18 01.
Es capsules deth CEI Val d’Aran son gratuïtes e se dirigissen a totes es persones o enterpreses interessades en ampliar era sua formacion. Totes es persones inscrites auràn de portar eth DNI, NIE o fotocòpia deth document.
